Fri. Dec 6th, 2019

Wordfest South Africa

Wordfest is South Africa’s premier multilingual festival of languages and literatures with a developmental emphasis.

Rahistori o ngola ka College ea matichere a Grahamstown

2 min read
Page 2 Image 11

Letsatsi la bobeli la Wordfest le ne le kenyeletsa thuto ea setsebi sa histori sa Makhanda Dr. Eric Kelly ka histori ea Grahamstown Teachers ‘Training College sebakeng sa Eden Grove, Rhodes University.

Ka sehlooho se reng ” Faithful to the Vision: The History of the Grahamstown Teachers’ Training College 1894 – 1975″, buka ena ke tlaleho ea histori ea k’holeji e ratoang haholo “TC” e ileng ea thehoa ka 1894 – ka pono ea mothehi ‘Mè Cecile – ‘me ea koaloa ka 1975, ka mor’a lilemo tse 80.

TC e hlahile ka litakatso tsa kereke ea Anglican ho theha sekolo sa koetliso sa matichere profinseng ea Eastern Cape ka nako eo. Ka lebaka leo, sekolo se ile sa buloa ka July 1894 le liithuti tse qalang tse 8.  Ho feta lilemo tse 80 tsa bophelo ba eona, Koleji ea TC e ile ea amohela liithuti tse ngata tsa basali ‘me ea li lokisetsa bophelo ba ho ruta likolong tsa Afrika Boroa hammoho le likolong tse haufi le linaha tsa Afrika Boroa.

Mongoli oa buka o re ka TC:

“… sepheo se ne se le ho thuto e feletseng ea liithuti, eseng feela ka litaba tsa thuto. Histori ena e khutšoanyane ea koetliso ea TC e reretsoe ho bontša hore setsi sena se iponahatsa e le e ‘ngoe ea likolo tse ntle ka ho fetisisa Afrika Boroa. TC  e ile ea fana ka phihlelo e khethehileng ea thuto “

Dr Kelly o fana ka tlaleho ea karolo eo TC e ileng ea e etsa ho koetlisa matichere a tsoang libakeng tse ling Afrika Boroa, khaolong ea 10 ea buka ena.

Khōlo ea TC ho theosa le lilemo e ile ea bona ho hahoa libaka tse ncha tse akarelletsang laebrari, libaka tsa bolulo le kereke (“Nuns’ Chapel “). Mehaho ena e se e le setša sa Rhodes University moo ho fumanoang litsi tsa thuto le molao, hammoho le holo ea Allan Webb.

Dr Kelly o phethile ka mantsoe a reng “Faithful to the Vision” hase feela tlaleho ea histori ea setsi se tummeng sa TC, empa hape le tataiso e hlokahalang ea puisano mabapi le bohlokoa ba koetliso ea matichere ka ho feletseng Afrika Boroa. Puo ea hae e ile ea amoheloa haholo ke batho ba bangata bao e neng e le matichere le liithuti tsa k’holejeng, le baahi ba amehileng ka tahlehelo ea likolo tsa koetliso tsa matichere naheng.

Pale ena e ngotsoe ka Sesotho. Tobestsa puo eo ue ratang ho bala phetolelo ea eona ka English le Afrikaans.

Leave a Reply

Your email address will not be published. Required fields are marked *